ٹیکنالوجی

الیکٹرانک فیس ماسک تیار

جنوبی کوریائی کمپنی نے مائیک اور ایئرپیس سے لیس جدید ترین الیکٹرانک فیس ماسک تیار کر لیا ہے۔

تفصیلات کے مطابق جنوبی کورین کمپنی نے گزشتہ برس متعارف کروائے گئے ایئر پیوریفائنگ ماسک میں مزید جدت لاتے ہوئے اس میں مائیک اور ایئرپیس کا اضافہ کر دیا ہے، جسے آئندہ ماہ اگست میں تھائی لینڈ میں مقامی ریگولیٹرز کی منظوری کے بعد متعارف کروایا جائے گا۔

کرونا وائرس کی عالمگیر وبا کے دوران، اور بڑے پیمانے پر پھیلی آلودگی کے اس دور میں یہ خیال کیا جا رہا ہے کہ اب ایسی مصنوعات کی طلب میں اضافہ ہوگا۔ گزشتہ برس ہی جنوبی کورین کمپنی نے ایئر پیوریفائنگ ماسک متعارف کروایا تھا، جو ایئر فلٹرز اور پنکھوں سے لیس تھا، جو ہوا میں موجود 99.97 فی صد ذرات کو نکال دیتے ہیں۔

اب کمپنی کا کہنا ہے کہ فیس ماسک کے اس نئے ورژن میں ایک چھوٹی اور ہلکی موٹر نصب کی گئی ہے، اس کے ساتھ ساتھ ماسک میں مائیکروفونز اور اسپیکرز بھی نصب ہیں جو ماسک پہننے والے فرد کی آواز کو ایمپلیفائی کریں گے۔

اس مقصد کے لیے فیس ماسک میں وائس آن ٹیکنالوجی کا استعمال کیا گیا ہے، ماسک میں نصب اسپیکر کے ذریعے یہ ٹیکنالوجی خود کار طریقے سے فرد کی آواز کو پہچان لیتی ہے اور اسے ایمپلیفائی کرتی ہے۔

اس سے قبل بھی دیگر کمپنیوں نے فیس ماسک میں وائس-ایمپلیفیکیشن ٹیکنالوجی کا استعمال کیا ہے، ہیزل ماسک میں بھی کچھ اسی قسم کی ٹیکنالوجی استعمال کی جا رہی ہے، جس میں ایل ای ڈی لائٹننگ بھی ہے اور یہ ماسک محدود تعداد میں رواں برس کے اواخر میں پیش کیا جائے گا۔

جنوبی کورین کمپنی کا نیا پیوری کیئر ماسک 94 گرام وزنی ہے، اس میں ایک ہزار ایم اے ایچ بیٹری نصب ہے جو یو ایس بی کے ذریعے 2 گھنٹے میں چارج ہوتی ہے۔ کمپنی کا دعویٰ ہے کہ یہ ماسک بہت آرام دہ ہے اور اسے مسلسل 8 گھنٹے تک پہنا جا سکتا ہے۔


subscribe YT Channel


Source by [author_name]

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

ADVERTISEMENT
Back to top button