ورلڈ

بھارتی اسپتال میں آتشزدگی کے باعث آئی سی یو میں داخل کورونا کے 13 مریض ہلاک

بھارتی ریاست مہاراشٹرا کے ایک اسپتال میں آتشزدگی سے انتہائی نگہداشت یونٹ (آئی سی یو) میں داخل کورونا کے 13 مریض ہلاک ہو گئے۔

ممبئی سے 70 کلومیٹر دوری پر واقع علاقے ورار کے وجے ولبھ اسپتال میں آج صبح جس وقت آتشزدگی کا واقعہ پیش آیا تو وہاں 90 مریض زیر علاج تھے۔

میڈیا رپورٹس کے مطابق آتشزدگی کے واقعے میں آئی سی یو میں داخل کورونا کے کم از کم 13 مریض ہلاک ہو گئے جبکہ دیگر کو اسپتال عملے نے فوری طور پر دوسرے اسپتالوں میں منتقل کر دیا۔

بھارتی ریاست مہاراشٹرا کو کورونا کی دوسری شدید ترین لہر کا سامنا ہے اور وہاں روزانہ کی بنیاد پر ہزاروں نئے کیسز سامنے آ رہے ہیں۔

گزشتہ روز بھی ریاست مہاراشٹرا میں 67000 ہزار نئے کیسز سامنے آئے تھے جس کے بعد وہاں کورونا کے مریضوں کی مجموعی تعداد 40 لاکھ سے زائد ہو چکی ہے۔


subscribe YT Channel


Source

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

ADVERTISEMENT
Back to top button