کھیل

شاہین شاہ آفریدی کو ممکنہ طور پر زمبابوے کے خلاف سیریز میں نہیں کھلایا جائے گا کیونکہ ۔۔ شائقین کرکٹ کیلئے اہم خبر 

شاہین شاہ آفریدی کو ممکنہ طور پر زمبابوے کے خلاف سیریز میں نہیں کھلایا جائے …

کراچی(ڈیلی پاکستان آن لائن )شاہین شاہ آفریدی جنوبی افریقہ کے خلاف سیریز میں متاثر کن کارکردگی نہیں دکھا سکے تھے جس کی وجہ تھکاوٹ کو قرار دیا جارہاہے اور امکان ہے کہ انہیں زمبابوے کے خلاف سیریز میں ریسٹ دیا جائے گا ۔

نجی ٹی وی ایکسپریس نیوز کی رپورٹ کے مطابق جنوبی افریقہ سے سیریزکے تین ون ڈے انٹرنیشنل میچز میں شاہین شاہ آفریدی نے 32.33 کی بھاری اوسط سے محض 6 وکٹیں ہی لیں،ٹی 20 سیریز میں تو ان کی کارکردگی مزید غیرمتاثر کن رہی اور 4 میچز میں 44.33 کی ایوریج سے صرف 3پلیئرز کوہی آوٹ کر سکے،کرکٹ کے حلقے ان کی ایسی کارکردگی کا سبب مسلسل کرکٹ کھیلنے سے تھکاوٹ کا شکار ہونے کو قرار دے رہے ہیں۔

اس حوالے سے استفسار پر پاکستانی ٹیم کے قریبی ذرائع نے بتایاکہ یہ تاثر درست نہیں کہ شاہین کو کوچز آرام نہیں دینا چاہیے،گذشتہ چند ماہ میں درحقیقت ایک سے زائد بار انھیں پیشکش کی گئی مگر انھوں نے خود زور دے کر میچز میں حصہ لیا،وہ بغیر وقفہ لیے پاکستان ٹیم کی نمائندگی کرنا چاہتے ہیں،گذشتہ ہوم سیریز میں چیف سلیکٹر محمد وسیم نے بھی ان سے کہا تھا کہ وہ چند میچز میں حصہ نہ لے کر آرام کر لیں۔

ذرائع نے مزید بتایا کہ زمبابوے سے سیریز میں شاہین شاہ آفریدی کو ریسٹ کرانا یقینی ہے، رواں سال ورلڈکپ بھی ہونا ہے،کوچز یہ نہیں چاہتے کہ پیسر مسلسل کھیل کر فٹنس مسائل کا شکار ہو جائیں، بولنگ کوچ وقار یونس نے بھی گذشتہ روز ورچوئل میڈیا کانفرنس میں ٹی ٹوئنٹی سیریز میں نئے بولرز کو آزمانے کا عندیہ دیا ہے۔

مزید :

کھیل




Source by [author_name]

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

ADVERTISEMENT
Back to top button