کھیل

محمد رضوان کی ناقابل شکست اننگ پاکستان نے زمبابوے کو تیسرے میچ میں شکست دے کر سیریزاپنے نام کر لی 

محمد رضوان کی ناقابل شکست اننگ ،پاکستان نے زمبابوے کو تیسرے میچ میں شکست دے …

ہرارے ( ڈیلی پاکستان آن لائن)قومی کرکٹ ٹیم نے تیسر ے ٹی ٹوئنٹی میچ میں زمبابوے کو 24رنز سے شکست دے کر سیریز اپنے نام کرلی ۔پاکستان نے مقررہ 20اوورز میں تین وکٹوں کے نقصان پر 165رنز بنائے جس کے جواب میں زمبابوے کی ٹیم سات وکٹوں کے نقصان پر 141رنز بنا سکی ۔پاکستان کی جانب سے محمد رضوان نے 60گیندوں پر پانچ چوکوں اور تین چھکوں کی مدد سے 91سکور بنائے ۔

تفصیل کے مطابق پاکستان نے ٹاس جیت کر پہلے بیٹنگ کا فیصلہ کیا۔ میچ کے آغاز پر اوپنرز محمد رضوان اور شرجیل خان میدان میں اترے، زمبابوین باولرز شروع سے ہی سکور روکنے کی کوشش میں نظر آئے تاہم چوتھے اوور کے اختتام تک دونوں بلے بازوں نے 4 باونڈری شاٹس کی مدد سے 28 سکور بنا لئے۔ اوپننگ پارٹنر شپ زیادہ دیر نہ چل سکی اور شرجیل خان جانگوے کی بال پر مزربانی کے ہاتھوں کیچ آوٹ ہو گئے، انہوں نے 18 رنز بنائے۔ کپتان بابر اعظم آئے اور چھا گئے، انہوں نے 46 گیندوں پر 52 رنز بنائے، اس طرح ٹی 20 میں تیز ترین 2 ہزار رنز بنانے کا اعزاز اپنے نام کیا۔ بابر اعظم نے 54 میچوں میں 2 ہزار رنز مکمل کئے ہیں جبکہ ویرات کوہلی نے 56 میچز میں 2 ہزار رنز بنائے تھے۔کپتان اپنا اعزاز پانے کے بعد آخری اوور میں آوٹ ہوئے۔ فخر زمان صفر پر پویلین لوٹ گئے۔ محمد رضوان پانچ چوکوں اور تین چھکوں کی مدد سے 91 رنز بنا کر نمایاں رہے۔ 

جواب میں زمبابوے کا بیٹنگ یونٹ اچھے کھیل کا مظاہرہ نہ کر پایا ۔زمبابوے کی جانب سے ویسلے مدھویرے 59،تاریسے مشکاندا 10،تیدوانشے مرمانی 35،برینڈن ٹیلر 20،ریگز چیکبوا صفر ،سین ویلیمز نو اور لیوک جونگوے پانچ سکور بنا کر آوٹ ہوئے ۔پاکستان کی جانب سے تباہ کن باولنگ کرتے ہوئے حسن علی نے چار ،حارث روف نے دو جبکہ محمد حسنین نے ایک وکٹ حاصل کی ۔

مزید :

کھیل




Source by [author_name]

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

ADVERTISEMENT
Back to top button