اہم خبریں

وزیر اعظم کے دستخط سے ہی چینی 52سے 120روپے کلو تک پہنچی مریم اورنگزیب

وزیر اعظم کے دستخط سے ہی چینی 52سے 120روپے کلو تک پہنچی ، مریم اورنگزیب

لاہور ( ڈیلی پاکستان آن لائن ) مسلم لیگ ن کی ترجمان مریم اورنگزیب نے کہا کہ چینی وزیر اعظم کے دستخط سے ہی 52روپے سے 120روپے کلو تک پہنچی ،وزیر اعظم سے لے کر ترجمانوں تک سب جھوٹ بولتے ہیں۔

نجی ٹی وی جیو نیوز کے مطابق لاہور میں میڈیا سے گفتگو میں مریم اورنگزیب کا کہنا تھا کہ عمران خان طاقتور مافیا کے سہولت کار ہیں ، بلیک مافیا نے کنسٹرکشن میں پیسے لگائے تو ان سے نہیں پوچھا گیا،لوگ گھر بینک سے قرض لیکر بنائیں گے ، یہ وہ گھر نہیں جن کا وعدہ کیا گیا تھا۔آپ نے تمام سیاسی مخالفین کو سزائے موت کی چکی میں رکھا،مریم نواز کو جہاں رکھا گیا اس کا واش روم اور کمرہ ایک ہی تھا ، عمران خان یہ نہیں پوچھتے کہ چینی کتنے کی ہے ، وہ یہ پوچھتے ہیں کہ آج شہباز شریف نے کیا کھایا۔

مسلم لیگ ن کی رہنما عظمیٰ بخاری نے کہا کہ سول نافرمانی کا درس دینے والے ہمیں اخلاقیات کا درس سکھائیں گے ؟، شاہد خاقان کو معافی کا درس دینے والے عمران خان سے معافی منگوائیں ، شاہد خاقان عباسی نے جذبات میں آکر کہا جس پر وہ معذرت کر چکے، یہ ہم ہی ہیں جنہوں ے آگ پر پانی ڈالا۔

مزید :

اہم خبریںقومی




Source

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

ADVERTISEMENT
Back to top button