پاکستان

ڈسکہ ضمنی انتخابات، نوشین افتخار کی کامیابی پر ن لیگی کارکنوں کی جانب سے جشن

این اے 75 ڈسکہ کے ضمنی انتخاب میں مسلم لیگ ن کی امیدوار نوشین افتخار کی کامیابی پر ن لیگی کارکنوں کی جانب سے جشن کا سلسلہ شروع ہوگیا۔

ڈسکہ میں ریٹرننگ آفیسر کے دفتر کے باہر ن لیگ کے کارکن جشن منارہے ہیں اور ڈھول کی تھاپ پر بھنگڑے ڈالے جارہے ہیں۔

اس کے علاوہ بھی حلقے کے مختلف علاقوں میں مسلم لیگ ن کے دفاتر کے باہر کارکنان کی جانب سے جشن منایا جارہا ہے اور اس سلسلے میں آتش بازی بھی کی جارہی ہے۔

خیال رہےکہ این اے 75 کے ضمنی انتخاب میں تمام 360 پولنگ اسٹیشن کے غیر سرکاری اور غیرحتمی نتائج کے مطابق ن لیگی امیدوار نوشین افتخار 1 لاکھ 11 ہزار 220 ووٹ لے کر کامیاب ہوئی ہیں جب کہ پی ٹی آئی کے علی اسجد ملہی 92 ہزار 19 ووٹ لے کر دوسرے نمبر پر رہے ہیں۔


subscribe YT Channel




Source

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

ADVERTISEMENT
Back to top button